منتديات ساسوكي

ساسوكي
 
الرئيسيةالبوابةمكتبة الصورالتسجيلدخول

شاطر | 
 

 مدرسة الانيمي ,,,,,,,,,,,,,لا تفوتكم مرة تضحك

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
عاشقة ساسوكي اوتشيها

avatar

المساهمات : 34
تاريخ التسجيل : 14/07/2009

مُساهمةموضوع: مدرسة الانيمي ,,,,,,,,,,,,,لا تفوتكم مرة تضحك   الجمعة يوليو 31, 2009 7:49 pm

السلام عليكم ورحمة اللة و بركاتة
اليوم جبت لكم موضوع مره حلوو (مدرسة الانيمي) مكون من عدة شخصيات انيمي مشهورة اتمنى تعجبكم ...........
بالنسبة للشخصيات حطيتهم في صف واحد مع ان في اختلاف في السن

لكن ادارة المدرسة تمشي بالواسطة فالشخصيات الصغار رفعوهم للصفوف المتقدمة

تعريف بسيط بالشخصيات
اولاً الطلاب


ايتشيقو : مع انه طالب مشاغب لكنه وقت الامتحانات يطلع العاشر ع الصف


إدورد : ملقب بالقزم في الصف ( مع العلم ان في ناس اقصر منه ) طيب وحبوب لكنه
يعصب لما احد يسميه قزم ><


حسان : أغبى واحد بالصف حطم الرقم القياسي في الرسوب
وفوق هذا يسمي روحه عبقري !


ساسكي : رزة ع الفاضي ومغرور ومشهور في الصف مع انه كسلان بس عنده واسطه في الادارة ...


كيريهارا : يصنف في المرتبة الثانيه في المشاغبه على الصف هوايته ابتكار اساليب مطورة لتعذيب المدرسين


شيكامارو : طالب خامل وكسول درجة اولى
طول الوقت نايم مايقوم الا لما يطق جرس الفسحةلكنه ذكي و يخترع اساليب غش حق الامتحانات !


ناروتو : يغار من ساسكي لان كل المدرسين يخافون من واسطته وناروتو يحاول يلزق روحه بالمدرسين بس محد ماعطية وجة


لايت : ملقب بأبو ويجهين لانه مع المدرسين
هو طالب عبقري والاول ع الصف و محترم و ورى ظهورهم يحب يشوش بين
الطلاب والمدرسين ويسوي ضرابات بينهم !


ريوزاكي : طالب مؤدب ومحترم بعمرة ما سوى مشكله بس يغشش الطلاب في الامتحانات لانهم يكسرون خاطره


آكتسو : هذا هو المصنف رقم واحد في المشاغبة
و اثاره المشاكل كل المدرسين يخافون منه ومحد يقدر يقرب صوبه
ولا بيكون مصيره مأساوي يقولون انه يهرب اسلحه داخل المدرسة ولقوا في شنطته مسدس محشو


الطالبات :


روكيا : دوم تتضارب مع إدورد على منو فيهم الأطول ! وهي الي سمته " قزم "


وينري : تهرب مكياج داخل المدرسة وتبيعه ع البنات و الادارة تسعى للقبض عليها متلبسه !!


تاتسكي : اقوى بنت في المدرسة عندها حزام اسود في الكاراتيه وتحب تتضارب مع الاولاد


ساكورا : من الاوائل ع الصف ( مو باين ) الكل يبغى يغش منها بس هي ما تغشش الا ساسكي !


الإدارة والمدرسين

المدرسين :


زاراكي كينباتشي : مدرس رياضيات وهو متخرج من تخصص تاريخ!
الكل يخاف منه لانه يدخل الحصه و هو ماسك سيفه بيده !


تسونادي : معلمة فيزياء مشهورة بتطبيق القوانين الفيزيائية على الطلاب !


جيرايا : استاذ كيمياء يوم يداوم واسبوع لا ، الطلاب يحبونه ( لان حصته دوم فراغ ! )


وروتشيمارو : استاذ الأحياء ، تخصصه تشريح مع
ان المنهج مو كله تشريح لكن كل حصصه يشرح فيها
مختلف الكائنات الحيه >>> الله يعين الطلاب !

الإدارة :


ايتاتشي : مسؤول التوظيف
والعلاقات العامة وهو اخو ساسكي وواسطته من كذا الكل يخاف منه >>> لا يطردهم اخوه


ميكامي : مساعد المدير شخص عصبي وعنده ولاء للقانون اذاشاف مخالفه بسييييطة من اي طالب على طول يفصله اسبوع


؟؟؟؟ : مدير المدرسة شخص مجهول
محد يعرف هويته يتكلم بالمايكرفون بس الكل يخاف منه
خصوصاً الطلاب لان آخر طالب دخل مكتبه مفقود الى اليوم !!

>>> رح تكتشفون شخصيته من خلال القصة ^^
هذي هي الدفعة الأولى من الشخصيات و في كل حلقة بحط البقي


الحلقة الأولـــــــى من

(( مدرســــــــة الأنمي ))



في صباح يوم دراسي توجه فيه الطلاب الى مدرستهم وقبل ان يرن جرس الحصة الاولى

كان الطلاب ماخذين راحتهم و مو كلهم يالسين في الصف ...

المكان : صف السنة الثالثة الشعبة

لايت : صباح الخ خيـــر آآه تدرون اني ما نمت الا ساعتين بس

ريوزاكي : صباح النور عسى ماشر ؟ فيك أرق ؟

ناروتو : لااا تلقاه سهران مع الفلم الهندي الي امس حطوه

ساسكي : وانت شنو دراك ان حطو فلم هندي اكيد انت بعد كنت تشوفة

ناروتو : انا كنت اجلد الكتب مال المدرسة و فتحت التلفزيون و كان الفلم يشتغل

ساسكي : توك تجلد الكتب عقب اسبوع امتحانات نص السنة وانت الحين تجلد الكتب

لايت : بس كان فلم كشخة يعني حتى الدم فيه تحس انه فيمتو

ريوزاكي : الله يعينك اذا نمت في الحصة الاولى

لايت : مو اول مرة اسويها

ساسكي : هه هه هه شكله مايدري شو عندنا في الحصة الاولى

لايت : ادري كيمياء واكيد استاذ جيرايا غايب فبكمل نومتي

ريوزاكي : لا ما سمعت امس شنو قال ؟ قال انه بيبدل حصته مع حصه الرياضيات لان عنده موعد مع طبيب الاسنان

ناروتو : اهىء اهىء يعني اول حصة رياضياااات ومع استاذ كينباتشي

لايت : لااااااااااااااااااااااااا >>> مصدوم

المكان : ساحة المدرسة

كان متجمع في مكان واحد كل من كيريهارا و شيكامارو و حسان وايتشيقو

كيريهارا : اقوولك كان الهدف صحيح بس الحكم متحيز حق برشلونه

ايتشقو : لا تسوي عمرك فاهم الحكم قال مايحتسب يعني ما يحتسب وفزنااا هاهاها

كيريهارا : ما يهم بنكسر راسكم المرة الثانية ><

شيكامارو : اففف ليش انا نزلت الساحة لوجالس في الصف وايد احسن

حسان : لاحق على الحبس في الصف بعد شوي بيرن الجرس

ايتشيقو : هيه على الاقل ناخذ مخزون هواء نقي قبل لا نختنق هناك

كيريهارا : هشش سكتوا البنات بيمرون من جنبنا اففف منهم

كان كل من روكيا و ونري وتاتسكي يمشو قدامهوم

ونري : اقولك هذا ماركة عالمية ما اقدر اسوي لك تخفيض

روكيا : اووه ماعندي فلوس شو اسوي عطيني اياه اول الشهر بدفع لك

ونري : لا عيوني السلف ممنوع وانتي تاتسكي ما تبين تشترين مكياج ؟

تاتسكي : جب بس كم مرة اقولك انا ماحب هل السوالف

ونري : كيفك تمي جي ويهك اصفر وكريه

تاتسكي : انا ويهي كريه !! بتشوفين شو بيصير في ويهك عقب بوكسي

روكيا : اوونه شو فيكم سكتوا اول ما شافونا كيريهارا : لا ماشي بس خلصت السالفة

روكيا : خلصت ولا انت قلت لهم يسكتون

حسان : هيه هو قال لنا هاهاهاها

كيريهارا : اسكت يا الغبي ><

شيكامارو : اوووه شوفوا من يمشي بين البنات وما شفناه

ايتشيقو : شو تسوي مع البنات يا القزم

إدورد : احترم نفسك ولا تقول قزم انا ما امشي وياهم هذا طريقي

ونري : إإإإد من وين طلعت انت خرعتني ><

تاتسكي : لا تغيرين السالفة تعالي نتضارب

ونري : بعدين بعدين >>> تخاف منها

حسان : قزم شو تسوي بكتاب الفيزياء من متى صرت شاطر ها ؟

إدورد : اسكت يا بو راس بطيخة انا ادرس حق الاختبار

شيكامارو : اففف بعد اختبار ليش ماخبرتوني من قبل، لو جا لس في الصف وايد احسن

ايتشقو : بس ما عندنا امتحان شي اليوم ؟

إدورد : هاهاها يا فالح عندنا اختبار فيزياء مفاجىء!

روكيا : دام انه مفاجىء شلون دريت به ><

إدورد : عاد والله عندي طرقي الخاصة

كيريهارا : ما عليكم منه كذاب تلقونه امس حلم انه فيه اختبار مفاجىء ومصدق عمره

حسان : حتى لو فيه اختبار انا مابدرس

ايتشقو : اصلاً انت طول عمرك ما تدرس

ونري : امشوا يا بنات نروح الحمام ابغى اعدل الميك أب قبل لا يرن الجرس

كيريهارا : ههه هيه امشوا وراها ما نبغى نشوفها بدون ميك اب لان اكيد بيغمى علينا

و بعد ما راحوا الطالبات لم الحمام

إدورد : انا برجع للصف مابقى شي ويرن الجرس

شيكامارو : خذني معاك ابا اخذ غفوه قبل لا يرن

ايتشيقو : احسن كلنا نرجع للصف لان ان وصل كينباتشي و ما لقانا ......

حسان : بيكون مصيرنا الموت

عودة للصف ...

ناروتو : اووه الحين بيوصل يلا بروح له

لايت : وين راح هذا

ساسكي : ما تدري انه يشتغل عند استاذ الرياضيات كل يوم يشل له شنطته يبغى يصير مقرب
منه هاهاها مسكين ما عنده واسطة

ريوزاكي : مالت بس على زمن الواسطات

ساسكي : لو عندك كان ماقلت هل الكلام

وفجأة دخل الصف الطلاب الي كانوا بالساحة وهم يركضون

حسان : عسى ما وصل بس

لايت : لا لحين

كيريهارا : الحمد لله قدرت اهرب من استاذ اوروتشيمارو كان واقف ع الدرج يقول شل لي شنطتي !

اتشيقو : بل كان اكيد بتتأخر و ......

قطع كلامه وصول أستاذ كينباتشي ووراه ناروتو مع شنطته

كينباتشي : صباح الخير

الكل : صباح النـــــور يا استاذ

كينباتشي : هاه كينه فيه نقص في طلاب ؟

كيريهارا : تقصد طالبات يا استاذ

حسان : راحوا يعدلون السفن أب

شيكامارو : ميك أب يا ذكي

كينباتشي : سكتــــــوا كلكم على كيفهن يتأخرون في حصتي كلهن ناقصات 10 درجات

تاتسكي : استاذ لا تحسنبي معاهم

كينباتشي : اهلا اهلا شرفتي الصف ليش ما احسبك ها ؟

تاتسكي : انا ما كنت بالحمام كنت اسجل اسمي في بطوله الكاراتيه عند استاذ الرياضة

وهذي ورقة من عنده...

كينباتشي : همم زين دخلي الصف يلا و الحين بنبدأ درسنا ولما تشرف الآنسات بعرفون شغلهن.

....................

ياترى شو مصير البنات المتأخرات ؟

و بعض الطلاب الي ما وصلوا لحد الآن ( والاستاذ ما انتبه ! )

تابعـــــونا في الحلقة الثانية انتظر الردود الي ما اعتقد انة في احد بيرد
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
عاشقة نيجي

avatar

المساهمات : 332
تاريخ التسجيل : 09/09/2010
العمر : 19
الموقع : العراق _بغداد

مُساهمةموضوع: رد: مدرسة الانيمي ,,,,,,,,,,,,,لا تفوتكم مرة تضحك   الإثنين سبتمبر 13, 2010 2:43 am

مشكورة يا م مبدع
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
عاشقة نيجي

avatar

المساهمات : 332
تاريخ التسجيل : 09/09/2010
العمر : 19
الموقع : العراق _بغداد

مُساهمةموضوع: رد: مدرسة الانيمي ,,,,,,,,,,,,,لا تفوتكم مرة تضحك   الجمعة أكتوبر 08, 2010 1:00 pm

ممممممممممممممممممممممممممممممكن التكلة و حط اينو معهم
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
يحي

avatar

المساهمات : 170
تاريخ التسجيل : 28/06/2010
العمر : 17
الموقع : السعوديه

مُساهمةموضوع: رد: مدرسة الانيمي ,,,,,,,,,,,,,لا تفوتكم مرة تضحك   الثلاثاء نوفمبر 23, 2010 5:28 pm

مشكور على الحلقة بجد مرة مضحكة وروعة وانتظر الحلقة الثانية ومصير المتاخرين
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
اميري كوربيكا

avatar

المساهمات : 66
تاريخ التسجيل : 28/11/2010
الموقع : كــــــــورتـــــــو

مُساهمةموضوع: رد: مدرسة الانيمي ,,,,,,,,,,,,,لا تفوتكم مرة تضحك   الأربعاء ديسمبر 01, 2010 6:34 pm

والــــــــــــلـــــــــه روعــــــــــــــــــــــــه تـــــــــســــــــــلم





الـــــــــلـــــــــه يعافيك
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
ساسوكي 2010



المساهمات : 196
تاريخ التسجيل : 02/09/2011
الموقع : السعوديه

مُساهمةموضوع: رد: مدرسة الانيمي ,,,,,,,,,,,,,لا تفوتكم مرة تضحك   الإثنين أكتوبر 03, 2011 6:40 am

هههههههههههههههههههههههههههه
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
Uchiha Ayumi

avatar

المساهمات : 50
تاريخ التسجيل : 18/09/2011
العمر : 19
الموقع : كونوها

مُساهمةموضوع: رد: مدرسة الانيمي ,,,,,,,,,,,,,لا تفوتكم مرة تضحك   الإثنين أكتوبر 03, 2011 10:24 am

هههههههههههههههههههههههههههههههههههههه

و الله العظيم شوي و اموت من كثرة الضحك ههههههههههه

الله يعطيك الف عافيه مشكوور

تقبل مروري


Surprised Surprised Surprised Surprised Surprised
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
عاشقة الاوتشيها

avatar

المساهمات : 94
تاريخ التسجيل : 13/06/2011
العمر : 19
الموقع : مع ساسكي

مُساهمةموضوع: رد: مدرسة الانيمي ,,,,,,,,,,,,,لا تفوتكم مرة تضحك   الإثنين أكتوبر 03, 2011 10:32 am

رووووووووعه تسلم الايادي
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
احساس دلوعهـ

avatar

المساهمات : 1
تاريخ التسجيل : 16/10/2011

مُساهمةموضوع: رد: مدرسة الانيمي ,,,,,,,,,,,,,لا تفوتكم مرة تضحك   الأحد أكتوبر 16, 2011 4:27 am

هههههههههههه
يسلمووو بجد تضحكـ Very Happy Very Happy
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
ساسوكي المحترف

avatar

المساهمات : 112
تاريخ التسجيل : 17/09/2010
الموقع : السعودية

مُساهمةموضوع: رد: مدرسة الانيمي ,,,,,,,,,,,,,لا تفوتكم مرة تضحك   الجمعة يناير 20, 2012 10:46 am

هههههههههههههههههه مشــــــــــــــــــــــــــــــــــــــــــــــــــــــــــكور Very Happy
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
كاوادا

avatar

المساهمات : 6
تاريخ التسجيل : 14/03/2012

مُساهمةموضوع: رائع   الأربعاء مارس 14, 2012 7:05 am

مشكور ننتظر المزيد
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
مومو

avatar

المساهمات : 3
تاريخ التسجيل : 30/01/2012

مُساهمةموضوع: رد: مدرسة الانيمي ,,,,,,,,,,,,,لا تفوتكم مرة تضحك   الثلاثاء أغسطس 14, 2012 3:26 am

مشكككوور اخووي روعه بس لو تخلي نارتو بس كان احسن على كل حال مشكووور Very Happy
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
مدرسة الانيمي ,,,,,,,,,,,,,لا تفوتكم مرة تضحك
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات ساسوكي :: المنتدى العام-
انتقل الى: